சூடு போட்டுகொண்ட ஒரு பூனை

பல புலிகளை (புலி 1 அம்பி, புலி 2 கீதா..நல்ல விளம்பரம் புலிகளுக்கு) பார்த்து சூடு போட்டுகொண்ட ஒரு பூனையின் பதிவு தான் கபடிக் கபடிக் கபடி. கல்லூரியில் கவிதை எல்லாம் எழுதி பரிசு வாங்கி இருந்தாலும் இப்போதெல்லாம் தமிழ் எழுத்துகளெல்லாம் மறந்தது போல் ஒரு உணர்வு. அப்படியொரு தாகத்தை தீர்த்து வைத்ததன் தாக்கம் தான் அந்த பதிவு. அவ்வப்பொழுது இப்படி எழுதலாம் என்று நினைக்கிறேன் ஆனால் முடியுமா என்று தெரியவில்லை. அதை எழுதவே என் விசைபலகை நான் சிந்திய வேர்வையில் நனைந்து விட்டது.

மேலும் இதில் உஷா பட்ட கொடுமைகள் தனிக் கதை..நீங்க பட்ட கொடுமை தான் பெருசுன்னு நெனச்சா அது ரொம்ப தப்பு.. உண்மையில் உஷா பாவம்.. அவங்க சொல்ற மாதிரி எப்படி அவங்களை தேடித்தேடி போய் கொடுமை டான்ஸ் ஆடுதுன்னு தெரில.. நல்ல பதிவு ஆற்றல் உண்டு உஷாவுக்கு