சந்தேகம்

இது ஆடி மாசம்..
புதிய சினிமாக்கள் பற்றிய செய்திகள் மிகக் குறைவாகவே இருக்கும்..
அதனால் தான் என்னவோ, போன வாரம், ஒரே நாளில் மூன்று படங்களுக்கு பூஜை செய்யப்பட்டு படப்பிடிப்பு தொடங்கப்பட்டது. ஏன் ஆடி மாசத்தில் எந்த நல்ல காரியங்களும் செய்வதில்லை என்பதற்கு ஒரு பெரிய கதையே சொல்வர்கள் என் ஊரில்.. ஆனால் இந்த மாசத்தில் தான் கோவில்களில் மக்கள் கூட்டம் அலைமோதும்.. ஒவ்வொரு அம்மன் கோவிலிலும், செவ்வாய், வெள்ளிகளில் சாமிக்கு மாலை மரியாதைகளும் பூசாரிக்கு தட்டில் காணிக்கைகளும் மிகுதியாகவே இருக்கும்.. பிச்சைகாரர்கள் தங்கள் வங்கி கணக்கை ஏற்றிகொள்ள நல்ல வாய்ப்பு..

எனக்கு ரொம்ப நாளாய் ஒரு சந்தேகம்.. கை கால் எல்லாம் நல்ல நிலமையில் இருப்பவர்களுக்கு பிச்சை போடலாமா.. எப்போ அப்படி ஒரு நிலமை வந்தாலும் என் மனசுக்குள் எழுகிற புறநானூற்றுப்ப் பாடல் இது

ஈயென இரத்தழிலிந்தன்று - அதனினும்
இழிந்தது ஈயேன் என்பது..
கொள்ளென கொடுப்பது உயர்ந்தன்று
கொள்ளேன் என்பது அதனினும் உயர்ந்தது (பிழை இருப்பின் மன்னிக்க)

அதனால நல்ல நிலமையில் இருக்கிற ஒருவன் வந்து பிச்சை கேட்டு நாம் கொடுக்கலைனா அது இழிந்ததா? என்னை பொறுத்தவரை இந்த பாடல் உண்மையிலே முடியாதவர்களை பற்றி தான்.. ஆனால் உண்மையான விளக்கம் என்ன?
தெரிந்தவர்கள் தகுந்த முறையில் விளக்கினால் அவர்கள் தலை வெடிக்காமல், விக்கிரமாதித்த வேதாளம் இன்னுமொரு கதை சொல்லும்