பொண்ணு பாக்க போறேன்

கீதா சந்தேகப்பட்ட மாதிரி, அம்பி சந்தோசப்படுற மாதிரி நான் பொண்ணு பாக்க போறேன். பொண்ணு பாக்க போறதே ஒரு சுவாரசியமான விசயம். ஒரு பொண்ணுக்கு தெரியாம எத்தனை தடவை வேண்டுமானாலும் அந்த பொண்ணை பாக்கலாம்.. சைட்டு அடிக்கிறதை தாங்க சொல்றேன். ஆனா அந்த பொண்ணை அவங்க வீட்லயே, அந்த பொண்ணோட அப்பா அம்மாவை கூட வச்சுகிட்டே பாக்குறது இன்டிரஸ்டா இருந்தாலும் கொஞ்சம் பயமாதான் இருக்கும். போட்டோல பாத்த மாதிரி பொண்ணு இல்லாம, நமக்கு பிடிக்கலைனா எப்படி அதை சொல்றது..இப்படி தர்மசங்கடமான விசயங்கள் இருந்தாலும்.. நான் இப்போ பொண்ணு பாக்க போறேன்...

பொண்ணுக்கு சொந்த ஊர் மேட்டுப்பாளையம் பக்கத்துல தான்.. போட்டோ பாத்தேன்.. பிடிச்சிருந்தது.. சரி நேர்ல போய் ஒரு தடவ பாத்து ஓகே பண்ணிடலாம்னு, இந்த வாரம் ஒரு கும்பலா கிளம்புறோம். அதுவும் வாழ்க்கைல இருந்த ஒரு கடமையும் நல்லபடியா முடிஞ்சது.. அதாங்க என் தங்கை காயத்திரி கல்யாணம்.. அதனால இது தான் என் தேடும் படலத்தை ஆரம்பிக்க சரியான நேரம்.

பொண்ணு இளவரசி மாதிரி இருக்கும்... அந்த பொண்ணை இளவரசின்னு தான் கூப்பிடுவாங்கன்னா பாத்துக்கோங்களேன்.. மனசுல சும்மா லப்டப் லப்டபுன்னு இதய துடிப்பு எகிறுது கன்னாபின்னான்னு.. உங்களுக்கு கூட அந்த பொண்ணை தெரியும்.. என்னிக்கும் இனிமையாய் மனசுல இருக்கிற அசினா? (தசாவதாரம் படத்துல கமலுக்கு ஜோடியா அசின் நடிக்க போறாங்கலாம். செய்தியை பாத்தவுடன் மனசே சரியில்லை. அதுவும் கூடவே, நதியா ஏன் இதுவரை கமலுக்கு இணையா நடிக்கவில்லைங்கிற காரணத்தை வேற படிச்சேன்.. படிச்சதிலிருந்து, சோறு தண்ணி ஒழுங்கா இறங்கலை. அம்பி, நாம நமக்குள்ள சண்டை போட்டா, பெரிய ஆளே வில்லனாய்.. கீதா, வேதா தலைமைல ஜல்லிகட்டுல இனி நானோ, அம்பியோ ஜெயிக்க போவதில்லை, அது தான் விருமாண்டி வந்தாச்சுல..) சமீபத்துல கனவுல வந்த த்ரிஷா?

சரி..சரி..ரொம்ப பில்டப் கொடுக்காம நேர விசயத்துக்கு வர்றேன்... இந்த வாரம் ஆபிஸ்ல இருந்து டூர் போறோம் ஊட்டிக்கு.. அது தான் அந்த பில்டப்.. ஊட்டிக்கு மலைகளின் இளவரசின்னு ஒரு பேர் இருக்குங்க..

எல்லோரும் அடிக்க ஒடி வர்ற மாதிரி தெரியுது.. கொஞ்சம் நில்லுங்க.. பொண்ணை பாத்துட்டு வந்துடுறேன்..