வேதாவின் 100 வேதங்கள்

தன்னுடைய இந்தப் பதிவோடு தோழி, எங்கள் கட்சியின் கொள்கை பரப்பு செயலாளர், வேதா, சதமடித்துள்ளார். சதமடிப்பது சாதாரண விஷயம் அல்ல.. அதுவும் எல்லா பதிவுகளையும் உருப்படியாக எழுதுவது சற்றும் சுலபமான காரியம் இல்லை. என்னை மாதிரி அசினுக்கு ஆணி குத்தியதையோ, அஜித்துக்கு விளம்பரம் கொடுத்தோ ஆயிரம் பதிவுகள் எழுதலாம்.. ஆனால் எழுதும் ஒவ்வொரு பதிவையும் கருத்துள்ளதாய், பயனுள்ளதாய், சமுதாய சிந்தனையோட எழுதுறது என்பது மிகவும் கஷ்டம்.. என்னைப் போல ஆட்கள் மரம் வைம்மா.. பிடிச்ச மூணை போடும்மான்னு மிரட்டி போட்ட பதிவுகளை தவிர்த்து பார்த்தால், பயண கட்டுரை, கவிதைகள், கதைகள்ன்னு பட்டயை கிளப்பியிருக்காரு..

அல்லும் பகலும் உழைத்து, விருட்சமாய் வளர வேண்டிய குழந்தைகள் வெறும் விழுதுகளாய், குடும்பத்தை தாங்கும் பெரிய மனுஷனாய் வாழும் அவலத்தை கண்டு மனம் கொதித்திருக்கிறார் வேதா, தன் பதிவிலே.. பெண்ணடிமை பற்றியும் அவர்களுக்கு ஏற்படும் கொடுமைகளையும் சாடி இருக்கிறார்.. நமக்கெல்லாம் வாழைப்பழத்தில் ஊசி ஏற்றுவது போல கதையிலும் சொல்லி இருக்கிறார்.. ஒரு விஷயத்தையும் விட்டு வைக்கவில்லை.. ஏன் அரவாணிகளும் மனிதர்களே என்று அவர்களுக்காக மனம் கலங்கியிருக்கிறார்.. தமிழ் தெள்ளமுதை அள்ளி கவிதைகள் படைத்திருக்கிறார்.. இப்படி எல்லா விஷயத்திலும் தனது உணர்வுகளை பிரதிபலித்திருக்கிறார்.. வேதா.. உங்களுக்கு ஒரு பெரிய சல்யூட்.


இவங்க பிளாக் ஆரம்பிச்சது ஜூலை 2005
முதல் பதிவு ஜூலை 16 (ஆங்கிலத்துல)
ஜூலை 30 (தமிழில்)

இவர் தன்னுடைய முதல் பதிவிலயே இரண்டு பின்னூட்டங்கள் வாங்கியிருக்கார். அந்த பின்னூட்டத்தை இட்டவர் லீ என்பவர்..

படப் பதிவு.. வெறும் படங்களை மட்டுமே வைத்து இவர் ஒரு பதிவிட்டுருக்கிறார். அது பிப்ரவரி 12 அன்று

நான் முதலில் படித்த இவங்க பதிவு ஆறு மனமே ஆறு.. முதல் பின்னூட்டமும் இதுக்கு தான்..

என்னை(யும்) தலைவராக ஏறுக்கொண்டு இடைவிடாமல் கட்சித்தொண்டு ஆற்றி கட்சியை வளர்த்து வரும் கொள்கைபரப்பு செயலாளர் வேதாவுக்கு, வாழ்த்தி ஒரு பதிவு கூட போடலைனா எப்படி..

சதமடித்த டெண்டுல்கரை பெருமையோடும் மகிழ்ச்சியோடும் பாக்குற ஒவ்வொரு இந்தியனைப் போல தோழி வேதாவோட இந்த சதத்தை பாக்குறேன்.. கட்சிக்குள்ளே இருந்து, கட்சிக்காக உழைத்து, இவ்வளவு பெரிய இடத்துக்கு வந்திருக்கும் வேதாவுக்கு கட்சியின் சார்பாக விழா எடுக்க வேண்டுகிறேன்.. மேலும் சென்னை வேளச்செரியில் இருக்கும் தெருவுக்கு வேதா தெரு என்று பெயர் மாற்றி இந்த சாதனையை நாங்கள் அங்கீகரிக்கிறோம்..

மென்மேலும் இதுப் போல கருத்துள்ள பதிவுகள் 1000 எழுதி வளர கட்சியின் சார்பாக வாழ்த்துகிறோம்.

மேலும் அவரோட கவிதை பக்கத்துல 25வது கவிதையும் எழுதியிருக்கிறார் வேதா..

டபுள் வாழ்த்துக்கள் வேதா.. இந்த ரெண்டையும் படிச்ச நாங்கள் தேன்கிண்ணத்தில் விழுந்த எறும்பாய் திளைக்கிறோம்