எய்ட்ஸ் விழிப்புணர்ச்சி நாளும் வாசித்த செய்திகளும்

இன்று உலக எய்ட்ஸ் விழிப்புணர்ச்சி நாள்.
















இது போன வருடம் இட்ட பிரச்சாரப் படம். இதைவிட ஒரு நல்ல பிரச்சாரப் படம் சிக்கவில்லை. அதனால் இதையே மறுபடியும் பதிவாய் இடுகிறேன்.

முடிந்தவரை ராமராய் இருக்கப் பாருங்கள்.. இல்லையென்றால் கேடயம் கொண்ட காமனாய் இருந்துவிடுங்கள்.

ஒரு சின்ன மலரும் நினைவுகள்..

நான் பதினோராம் வகுப்பு படித்துக்கொண்டிருக்கும் போது, பள்ளியில் காலை பிரேயர் நேரத்தில் செய்திகள் வாசிப்பது வழக்கம். ஒரே மாதிரி செய்திகள் வாசிக்காமல் பல மாற்றம் செய்து எல்லோரையும் செய்தியை கேக்கவைத்தோம் நானும் என் தமிழ் வாத்தியார் ஐயா த.கதிர்வேலும்...

அப்போதுதான் டிசம்பர்.1, உலக எய்ட்ஸ் விழிப்புணர்ச்சி நாள் என்று அறிந்து அதையும் செய்திகளில் சொன்னேன்.. எனக்கு இன்னும் ஞாபகம் இருக்கிறது..அப்போதெல்லாம் எயிட்ஸ் என்பதே உச்சரிக்கக்கூடாத வார்த்தையாய் இருந்தது..இதை வாசித்தவுடன் கூட்டத்தில் ஒரு சலசலப்பு கூட ஏற்பட்டது என்றால் பார்த்துகொள்ளுங்களேன். இதே மாதிரி ஒரு நாள் செய்திகள் வசிக்கும்போது, 'சந்தனகடத்தல் வீரப்பன் பிடிபட்டான்' என்று சொல்லி ஒரு சின்ன இடைவெளி விட்டு என் முன்னே நிற்கும் கூட்டத்தை பார்த்தேன்.. பிரேயரில் சீரான வரிசையில் நின்றிருந்த எல்லோரும் அதிர்ச்சி மற்றும் ஆர்வத்தில் மற்றொருவர் கூட என்ன என்பது போல் பார்த்தும் பேசியும் கொண்டனர்.. அதன் பிறகு 'என்று செய்திதாள்களில் அச்சேறும் நாள் வெகு தொலைவில் இல்லை என்று வால்டர் தேவர் பேட்டியளித்தார்' என்று முடித்தவுடன் எல்லோருடைய முகத்திலையும் ஒரு சின்ன புன்னகை தவழ்ந்தது இன்னும் மனசில் அப்படியே பதிந்து கிடக்கிறது..