காதலனே கண்கண்ட தெய்வம் - பகுதி 4 (நிறைவு பகுதி)

இந்த கதையின் முந்தைய மூன்று பகுதிகளை படிக்க...

முதல் பகுதி

இரண்டாம் பகுதி

மூன்றாம் பகுதி


ஆட்டோ தரமணியை நெருங்கி இருந்தது.. பின்னால் இன்ஸ்பெக்டர் இன்பவேலன் ஆட்டோவை நெருங்கி இருந்தார்.. அதற்குள் அவர் கொடுத்த தகவல் கிடைத்து வேளச்சேரி போலீசும் ஜீப்பில் விரட்டி வந்து கொண்டிருந்தது.. ரோட்டில் போகும் மொத்த சனமும் என்னமோ ஏதோ என்று இந்த துரத்தல் காட்சியை பார்த்து கொண்டிருந்தது..

சண்முகம் சந்தோசத்தின் உச்சத்தில் இருந்தான்.. இப்படி செஞ்சு வச்ச சிலை மாதிரி ரெண்டு பொண்ணுக மாட்டும் என்று அவன் கனவுல கூட நினைக்கவே இல்லை.. மெல்ல தலையை நீட்டி பின்னால் திரும்பி பார்த்தான்.. பசித்த புலி மாதிரி இன்பவேலன் பறந்து வந்து கொண்டிருந்தேன்.. இவன் தலையை பார்த்ததும் இன்பவேலனுக்கு இன்னும் கோபம் கூடி வண்டியின் வேகமும் கூடியது.. இவன் எப்படி இங்கே வந்தான்..சிவ பூஜைல கரடி மாதிரி.. நம்மள பாலோ பண்றதே இவன் வேலையாப் போச்சு..என்று நினைத்தவாறே மயக்க மருந்தை எடுத்த சண்முகம், மெல்ல பாவனா பக்கம் திரும்பி மேடம் மேடம் என்று அழைத்தான்... மெல்ல திரும்பினாள் பாவனா.. அவள் முகத்துக்கு நேரே வைத்து மயக்க ஸ்ப்ரேயை அடித்தான் சண்முகம்.. அந்த நேரம் பார்த்து.. அதிலிருந்து காத்து கூட வரவில்லை..சட்டுன்னு நிலைமையை உணர்ந்த பாவனா தனது ஹை-ஹீல்ஸ் செருப்பு போட்ட காலால் சண்முகத்தை ஓங்கி உதைத்தாள்.. இதை சற்றும் எதிர்பாராத சண்முகம் ஆட்டோவைவிட்டு வெளியே போய் தலைகுப்புற விழுந்தான் அந்த தார்ரோட்டில்.. விழுந்த வேகத்தில் எழுந்தான் சண்முகம்.. ஆட்டோவை நோக்கி ஓடினான்.. இவன் கீழே விழுந்தவுடன் பயந்து போன காளிதாஸ் ஆட்டோவிலிருந்து குதித்து ஓடினான்..

அதுவரை சமத்து பிள்ளையாய் இன்ப்வேலன் கையில் படுத்துக் கிடந்த கைத் துப்பாக்கி சண்முகத்தை நோக்கி எழுந்தது.. ஓடிய சண்முகம் டிரைவர் இல்லாமல் ஓடிய ஆட்டோவை பிடிக்கவும் இன்பவேலனின் துப்பாக்கி குண்டு சண்முகத்தின் காலை முத்தமிடவும் சரியாக இருந்தது.. காலில் குண்டடி பட்டாலும் கையில் பற்றிய ஆட்டோவை விடாமல் அதுகூடவே விந்தி விந்தி ஓடினான் சண்முகம்.. அந்த இடத்தில் இன்பவேலனை பார்த்தவுடன் சொல்லாத அந்த பாசம்.. காதல்.. மனசுக்குள் முட்டி பாவனாவின் கண்களில் கண்ணீராய் பெருகியது.. வேலன் என்று கத்திகொண்டே ஆட்டோவை விட்டு வெளியேற இந்தப்பக்கம் வந்த பாவனாவை பிடித்து வெளியே இழுத்தான் சண்முகம்.. அவன் இழுத்ததில் நிலைகுலைந்த பாவனா ரோட்டில் விழப்போக, அவள் தலைமுடியை கொத்தாக பிடிக்க போனான் சண்முகம்.. அதே நேரத்தில் அந்த இடத்துக்கு வந்த இன்பவேலன், சண்முகத்தை வலது காலால் எட்டி உதைத்தான்.. இடது கையால் பாவனாவை தாங்கினான்.. நிலைதடுமாறி ஓடிய ஆட்டோ ரோட்டின் பக்கவாட்டில் இருந்த ஒரு பள்ளத்தில் இறங்கி நின்றது.. உள்ளே இந்த சம்பவத்தை எல்லாம் பார்த்து காவ்யா மயக்கம் போட்டு கிடந்தாள்..

வேலன்..வேலன்..என்று அவன் மார்பில் தலை சாய்த்து அழுதாள் பாவனா.. அவளின் தலை தடவி சமாதானப் படுத்தவா.. இல்லை என்ன செய்வது என்று தெரியாமல் திகைத்து..காதல் பூ ஒரு போர்க்களத்தில் பூத்தது கண்டு இன்பத்தில் திளைத்து கிடந்தான். அதே நேரம் ஆட்டோவுக்குள் மயங்கி கிடந்த காவ்யாவை கண்ட சண்முகம் மெல்ல எழுந்து அவளை நோக்கி குண்டு பாய்ந்த கால்களை இழுத்துக் கொண்டு நடந்தான்.. ஏதேச்சையாக திரும்பி பார்த்த இன்பவேலன் சண்முகத்தின் மார்பை நோக்கிச் சுட்டான்.. கொண்டு பட்ட வேகத்திலே சுருண்டு விழுந்தான் சண்முகம்..

இன்பவேலன் வீடு

பாவனாவின் பெற்றோர்களும் இன்பவேலனின் பெற்றோர்களும் முறையாக இன்பவேலனுக்கும் பாவனாவிற்கும் இடையே கல்யாணத்தை நிச்சயம் செய்தனர்.. தனது தோழியே தனக்கு அண்ணியாக வரப்போவதை நினைத்து பவித்ரா மிகுந்த சந்தோசத்தில் இருந்தாள்..

இரவு வேலை..மொட்டை மாடி..வான் நிலா தனியாக மேகத்துக்கிடயே நடை போட்டுகொண்டு இருக்க, வையத்து நிலா பாவனா இன்பவேலனின் தோளில் சாய்ந்து கொண்டிருந்தாள்..இருவரும் அங்கேயே இல்லை.. பின்ன ஒரு கட் சொல்லி பாத்தா மொரிஷியஸ்ல புது லொகேசன்ல..ரெண்டு பேரும் டூயட் தான்..

காக்கிச் சட்டை போட்ட மச்சான்..
கொக்கி போட்டு மனசை தச்சான்..
என்று யுவன் இசைல கேகேவும், சுஜாதாவும் பாட.. ஒரு உல்லாச உலகத்தை நோக்கி சென்று கொண்டிருந்தனர்.

(நான்கு வாரத்திற்குள் முடிய வேண்டிய கதை நேரமின்மை காரணமா ஏழு வாரங்களில் தான் முடிக்க முடிந்தது.. இது சென்னையில் ஒரு கால் சென்டர் பெண்ணுக்கு நடந்த ஒரு கொடுமையை படித்துகொண்டு இருந்தப்போ உதித்தது.. )