கவிஞர் மு.மேத்தாவுக்கு சாகித்ய அகாடமி விருது

கவிஞர் மு.மேத்தாவுக்கு, அவரின் ஆகாயத்தில் அடுத்த வீடு என்னும் கவிதை நூலுக்காக சாகித்ய அகாடமி விருது வழங்கப்பட்டுள்ளது..



இவர் எனக்கு தமிழ் சினிமா பாடல்களின் மூலம் தான் அறிமுகமானார். ரெட்டை வால் குருவி படத்தில் வரும் ராஜா ராஜ சோழன் பாட்டின் வசீகிர வரிகளுக்கு சொந்தக்காரர் யார் என்று தேடிப் பார்த்தால் மு.மேத்தா என்ற சேதி கிடைத்தது. இவர் எழுதிய பாடல்களில் மிகுந்த வார்த்தை விளையாடல்கள் தான் இருந்துள்ளன. கீழ்த்தரமான வரிகள் என்றும் இருந்ததில்லை. ரஜினியின் வேலைக்காரன் படத்தை பார்த்த போது அதன் பாடல்களின் வரிகளுக்கும் இவரே சொந்தக்காரர்.. தமிழ் சினிமா பாடல்கள் தடம் மாறி போவதை கண்டு இனிமேல் சினிமா பாடல்கள் எழுத மாட்டேன் என்று சொன்ன புண்ணியவான், கொள்கையாளன்.

இந்த இனிய தருணத்தில் அவருக்கு எந்தன் வாழ்த்துக்கள். மேலும் தரமான படைப்புகளை தமிழுக்கு தர வேண்டுகிறேன், வாழ்த்துகிறேன்.