போக்கிரியின் பாடல்கள் - பாமரனின் விமர்சனம்

விஜய் படத்தின் பாடல்கள் என்றுமே நன்றாக இருக்கும் என்ற ஒரு எண்ணம் மக்களிடையே உண்டு. (புதிய கீதை போன்ற படங்களை தவிர்த்து பார்த்தால்) அந்த எண்ணத்தை பொய்யாக்கப் போவதில்லை என்று வந்திருக்கிறது மணிசர்மாவின் இசையில் போக்கிரி பாடல்கள்.. இந்த போக்கிரியின் ஆல்பம் கொஞ்சம் வித்தியாசமாகவே உள்ளது.. நிறைய பாடகர்கள் புதுசாய் தெரிகிறார்கள்.. இளமையாய் உற்சாகமாக இருக்கிறது அவர்களின் குரல்கள்..

வசந்த முல்லை போல வந்து ஆடிடும் வெண்புறா
பாடியவர்கள் : ராகுல் நம்பியார், வி. கிரிஷ்ணமூர்த்தி

ராகுல் நம்பியாரின் குரல் விஜய்க்கு கச்சிதமாக பொருந்தியுள்ளது.. அவரின் உச்சரிப்பும், புது வித ஸ்டைலும் கேட்கும் ஒவ்வொருத்தரின் தலையையும் அசைய வைக்கும் வல்லமை கொண்டது.. அதுவும் பாடலின் ஒவ்வொரு வரிகளும் யதார்த்த, ருசிகரமாகவும் உள்ளது.. இந்த வருடத்தின் எல்லா சேனல்களிலும் இடைவிடாமல் இந்த பாட்டு ஓடும்.. மொத்தத்தில் பாடலின் வரியை போலவே பாட்டு நமது நெஞ்சங்களை வசந்தமை நெகிழவைக்கும்.. வளரும் எல்லா திறமையும் ராகுல் நம்பியாருக்கு (வேறு ஏதேனும் பாட்டு பாடி இருக்காரா) உண்டு.. அவருக்கு ஒரு ஷொட்டு.. இந்த ஆல்பத்தின் முதலிடம் இந்த பாட்டுக்குத் தான்

ஆடுங்கடா என்னை சுத்தி...
பாடியவர்: நவீன்

இது நிச்சயமாய் விஜயின் அறிமுக பாடல் என்பது பாட்டின் ஆரம்பத்திலேயே புரிந்து விடுகிறது.. தரை தப்பட்டை மேளம் முழங்க இந்த பாடலை நவீன் பாடியிருக்கிறார். பாட்டின் வரியே சொல்லிவிடுகிறது.. பாடப் போறேன் என்னை பத்தி.. கேளுங்கடா வாயைப் பொத்தின்னு..(பாட்டை கேக்குறதுக்கு இந்த தண்டனை வேறயா) அதனால அப்படித்தான் நானும் இந்தப் பாட்டை கேட்டேன்.. குத்து இசையோடு எப்பவும் விஜய் படங்களில் வரும் அறிமுகப் பாடல் என்பதால் ரொம்ப சொல்றதுக்கு பெருசா ஒண்ணும் இல்ல.. அடிக்கடி போக்கிரி பொங்கல்ன்னு கோரஸ் சத்தம் வருது.. அதனால இந்தப்படத்தின் ஏதாவது ஒரு போஸ்டரிலாவது இந்த வாசகம் வரும் என்பது இப்பவே நாம் சொல்லிவிடலாம்.. குழந்தை தொழிலாளர்கள், சேரியில்லா ஊரு, தீண்டாமை ஒழிப்புன்னு வழக்கம் போல ரஜினி மாதிரி ஓபனிங் பாட்டு தத்துவங்கள் உண்டு இதுலையும்...

மாம்பலமாம் மாம்பலம்
பாடியவர்கள் : ஷங்கர் மஹாதேவன், சுசித்ரா

இது கிளைமாக்ஸ் காட்சிக்கு முன்னால் வரும் விஜய் படத்தின் அக்மார்க் குத்து பாட்டாய் இருக்குமென்று நினைக்கிறேன். அதனால சில பாடல் வரிகள் கூட அது போலவே இரட்டை அர்த்தங்கள் பொதிந்ததாய் இருக்கிறது.. குத்துப் பாடல் என்று சொல்லிவிட்டதால் அதைவிட பெரியதாக சொல்வதற்கு இந்த பாடலில் ஒன்றும் இல்லை..

நீ முத்தம் ஒன்று கொடுத்தால்
பாடியவர்கள் : ஏ.வி.ரமணன், சுசித்ரா

இது அழகான மெலடி கலந்த ஒரு டூயட் பாடல். இசையும் வார்தைகளும் சரிவிகதமாய் இருந்து பாட்டுக்கு இன்னும் வலுசேர்க்கிறது.. இந்த பாடலில் அரக்க பரக்க நடன காட்சிகள் இருக்க வாய்ப்பில்லை. மிகவும் நளினமான நடன அசைவுகள் தான் இருக்கும். அதுவும் இயக்குநர் பிரபுதேவா என்பதால் சில சுவாரஸ்யமான நடன காட்சிகளை காணலாம் என்று நினைக்கிறேன்.. நிச்சயம் ஒரு வெளிநட்டு இடத்தை பார்க்கும் வாய்ப்பை இந்த பாட்டு உங்களுக்கு தரும்.

நீ முத்தம் ஒன்று கொடுத்தால் (ரீமிக்ஸ்)
பாடியவர்கள் : ஏ.வி.ரமணன், சுசித்ரா

இது போன பாட்டின் ரீமிக்ஸ் பாடல்..

என் செல்லப் பேரு ஆப்பிள்
பாடியவர்கள் : ஏ.வி.ரமணன், சுசித்ரா

இந்த பாடல் கேட்கும் போது நிறைய பாடல்கள் உங்கள் ஞாபகத்துக்கு வந்தாலும் ஜே ஜே படத்தின் மே மாதம் பாட்டு சாயல் அதிகமாக இருக்கிறது.. அது மட்டுமல்ல, சுசித்ரா (அந்த பாட்டை பாடிய ரேடியோ மிர்ச்சி சுசித்ரா) தான் இதையும் பாடி இருப்பதால் அந்த எண்ணத்தில் இருந்து தப்பிக்க முடிவதில்லை.. இது இளமை துள்ளல் கொண்டு கொஞ்சம் மாடர்ன் காஸ்டியூம்கள் கொண்டு அசின் ஆடியிருப்பார்னு நினைக்கிறேன். மற்றபடி சொல்வதற்கு அதிகமாக இந்த பாட்டில் ஒன்றும் இல்லை..

டோலு டோலு தான் அடிக்கிறான்
பாடியவர்கள் : ரஞ்சித், சுசிதா

ஆல்பத்திலேயே ரேட்டிங்கில் மிகவும் கீழே இருக்கும் பாட்டு இது தான்.. ஒண்ணும் பெரிதாக எழுதுவதற்கு இதில் ஒன்றும். ரொம்பவும் மாடர்ன் இசை கலந்த இந்த பாட்டு எல்லோரையும் கேட்க வைக்குமா என்பது சந்தேகமே..

வசந்த முல்லை பாடலைத் தவிர இசை கணக்கில் வேற எதுவும் பெரிதாக சொல்வதற்கு இல்லை.. விஜய் ரசிகர்களின் மனதை கவர ஆடுங்கடா பாட்டு உதவும்.. விஜய் படத்தின் பாடல்களை கொண்டே அது படத்தில் எப்படி பயன்படுத்தப்பட்டிருக்கும் என்று சொல்லிவிடலாம். நிறையப் பாடல்கள் இருப்பதால் படத்தில் ஏதேனும் ஒரு பாடல் இல்லாமல் இருக்க வாய்ப்புகள் உண்டு. மேலே சொன்ன பாடல்களோடு போக்கிரி தீம் பாடலும் மணிசர்மாவின் குரலில் உண்டு, போனசாக.. ஆனால் பிரபுதேவா படத்தின் இயக்குநர் என்பதால் படத்தின் பாடல்களில் விஷூவல் ட்ரீட் சில இருக்கலாம்..இருக்கும்..

(ஏற்கனவே சொல்லிக்கிட்ட மாதிரி...நமக்கு ராகம், தாளம், பல்லவின்னு ரொம்ப எல்லாம் தெரியாது.. மனசுக்கு கேட்டவுடன் புடிச்சிருக்கா.. அது தான் மேட்டர்..அத மனசுல வச்சுத்தான் இந்த விமர்சனம் எழுதி இருக்கேன்)