அஜித்திற்கு பிறந்த நாள் பரிசாக கிரீடம் இல்லை

அஜித், விஜய் (நடிகர் விஜய் அல்ல.. தயாரிப்பாளர் ஏ எல் அழகப்பனின் மகன் விஜய்) இயக்கத்தில் நடிக்கும் கிரீடம் படத்திற்கான எல்லா வேலைகளும் முடிந்து விட்டது. இந்த படத்தில் அஜித் ஜோடியாக த்ரிஷாவும், அப்பா அம்மாவாக ராஜ்கிரண் சரண்யாவும் நடிக்கிறார்கள். படத்துக்கு இசை ஜி.வி.ப்ரகாஷ்.




படம் மே 1, தல பிறந்த நாளன்று ரிலீஸ் செய்வதாக முடிவு செய்து நூறுக்கும் குறைவான நாட்களிலேயே திட்டமிட்டு படப்பிடிப்பை முடித்தார்கள். ஆனால், இப்போது படத்தை மே 1 அன்று வெளியிடப்பட முடியாத சூழ்நிலை.




சிவாஜி மே 17 அன்று ரிலீஸ் ஆவதால், தயாரிப்பாளர்களுக்கு படத்தை திரையிட தியேட்டர் வாங்குவதில் சற்று சிரமம் ஏற்பட்டுள்ளது. மேலும் அந்த இடைபட்ட காலதிற்குள் படத்தின் மூலம் லாபத்தை ஈட்டமுடியுமா என்று கவலை. அதனால், படத்தை ஜூன் மாதத்தில் வெளியிட முடிவு செய்திருக்கிறார்கள்.



தலைவரின் சந்திரமுகி வெளியானபோது போட்டிக்கு விஜய் சச்சினை வெளியிட்டு சூடு வாங்கிகொண்டதை போல, அஜித்தும் கிரீடம் தயாரிப்பளர்களும் செய்யாதது நல்லதே..